تعرض للخطف والتهديد بالسلاح داخل فان جبيل-بيروت!

كشف المواطن "أبو أمير حسن"  عن تعرّضه لعملية خطف وتهديد بالسلاح وسرقة داخل "فان" كان يستقلّه للانتقال من جبيل نحو بيروت، داعياً المواطنين إلى أخذ الحيطة والحذر أثناء تنقّلهم. 

وشرح حسن  تفاصيل الحادثة عبر منشور على صفحته "فيسبوك" قائلًا: "أنا من شوي صار معي حادثة كنت بجبيل رايح ع بيروت وقفلي فان في بقلبو 3 شباب شوفير وواحد حدو وواحد ورا.. قلتلن عالكولا قال إي، طلعت قعدت بآخر مقعد قطعنا جبيل وصلنا عالصفرا بقلي الشاب يلي ورا فيك تزيح شوي بدي زبّط "البوفر" فأنا زحت وقعدت قدام بيسحب عليي فرد وسكين وبحطو براسي و"الفان" وقف عاليمين والدني عتمة.. المهم قال طلاع بكل شي معك أخدوا جزداني والتلفون ضلن خاطفيني شي ساعة وعم يحققوا معي عن الاسم ومن وين أنا".

وأضاف: "الحمدلله إنو أخدوا كل شي بس تركوني وأنا هلق بألف خير.. بس عم احكي بالحادثة كرمال تاخذوا حذركن منيح لأن بطل في أمان والله واعلم وين رح نوصل بعد الخير لقدّام".