نشر الممثل يورغو شلهوب صوراً جمعت أولاده الأربعة أثناء توجههم إلى الطائرة، وودّعهم بكلمات مؤثرة.

وكتب: "باي باي يا حلوين. راحوا الحلوين وبقوا القبيحين، المجرمين والسفاحين اللي قتلوا ولاد بعمركن وشباب وصبايا كلن متلكن وكلن حلوين و دبحوا أهلن وعم بموتوهن كل يوم مية موتي هني وعايشين".

وأضاف: "راحوا الحلوين وبقوا الدجالين اللي بعد ما شبعوا دم وقهر وعذاب وبعدن عم يتناهشوا المناصب متل الحيوانات المفترسة وعم يرقصوا على جثث الميتين. راحوا الحلوين وبقيت الغصة والدمعة محبوسين وهني بعدن فلتانين".

وتابع: "راحوا الحلوين بس رح يبقوا عطول حلوين وعليهن وعلى وجوهن نعمة الله والملائكة والقديسين. بقوا النجسين وباقية على مدى الأزمان عليهن وعلى روحن لعنة الله والأنبياء والشياطين. مني ومن أولادي لروح اللي راحوا ولكل الموجوعين".