بالأسماء و الصورة.. مكسيم خليل "يفضح" سارقي مساعدات المتضررين في سوريا

10/02/2023 08:53PM

عمد الممثل السوري مكسيم خليل الى الكشف عن الكثير من الرسائل التي وصلته من عدد كبير من المتابعين الذين يشتكون من سرقة المساعدات التي تصل للمتضررين من الزلزال في سوريا.

ونشر مكسيم على صفحته الخاصة عبر موقع انستغرام صوراً لهذه الرسائل التي تذكر بالأسماء من يقومون بهذا الامر، وارفق الصور بتعليق قال فيه: "نداء لاصحاب الضمير ( بتقدر تحكي شو شفت وتفضح هدول الاشخاص بالاسم تحت)، بالصور المرفقة عينة من رسائل كتيرة عمتوصل انه هلأ وبهذا الوقت المأساوي يلي عميعيشوه السوريين وبعد مرور كم يوم على وحدة من اكبر الكوارث ..المصحوبة بعواصف وبرد قاسي هالوقت يلي الناس عمتستنى خبر عن احبابها او عن لهفة من حدا …مع الاسف في ناس عمتسرق و تخبي و تبيع الاعانات ..في منهم شيوخ وفي منهم مخاتير وفي منهم هلال ومنظمات وفي منهم جيش وتجار ..طبعاً البعض لانه اكيد في ناس عمتشتغل بكل اخلاص".

واضاف: "يلي عماحكيه موجود بكل مناطق سوريا بلا استثناء ..حلب ،اللاذقية ، جبلة ،ادلب ، جنديرس .الخ تحت سيطرة وخارج سيطرة . مابعرف شو ممكن يقول الواحد ..لانه اكيد يلي بيعمل هيك وبهيك وقت معدوم الضمير والانسانية و مافي شي ممكن يخليه يفكر باخواته السوريين المتضررين ولا حتى بالسوريين يلي في منهم قرر يشيل اللقمة من تمه ليساعد اهله بسوريا ، هدول الاشخاص يلي عميستغلو وجع ليحققو ربح ..الامل منهم مقطوع …ندائي هو للناس الحقيقية والنضيفة..ندائي هو للمؤثرين والفنانين انهم يساهمو بضبط هدول الامور ..انتو يلي بتقدرو تفضحو هدول الناس و تحطوهن قدام الاجراءات القانونية المناسبة".

وتابع:"برجع بأكد الموضوع ما بشمل الجميع بس الاكيد انه عميأثر على كل اشكال التبرعات المالية والعينية . يلي ماعنده ضمير مارح يفيق هلأ ضميره . بس الامل بلي عنده ضمير . وانا رأيي ممكن يكون هون مكان لتحكو شو عميصير و شو شفتو بالاسم، شكرا".