جدل كبير بين ديما صادق وشكران مرتجى والسبب: صورة الأسد

شهد موقع تويتر خلال الساعات الماضية سجالا بين الممثلة السورية شكران مرتجى والاعلامية اللبنانية ديما صادق وذلك بسبب صورة لرئيس النظام السوري #بشار_الأسد التقطت له خلال الزيارة الميدانية التي قام بها لتفقد المناطق التي ضربها #الزلزال في #سوريا.

وفي التفاصيل، كانت انتقدت ديما ظهور الرئيس السوري مبتسما في صورة سيلفي التقطها مع زوجته وعدد من الاشخاص خلال جولته هذه، ونشرت ديما الصورة على صفحتها الخاصة عبر تويتر وكتبت:" بعيدا عن السياسة اللي كتير جربت ابعد عنها من وقت الزلزال بسوريا، ممكن بس حدا يشرحلي كيف ممكن بني آدم شعبو منكوب بزلزال و ١٠ الاف ضحية يوقف ياخد سيلفي و يضحك بموقع الكارثة؟ جد كيف؟ انه قصدي بيولوجيا و عقليا و بشريا كيف"؟هذه التغريدة دفعت بشكران الى التعليق والرد على ديما قائلة لها:" تعالي فاتحين لك بيوتنا وبلدنا تعي ، متل مالبنان وأهلها ماقصروا معنا بكل شي كلهم يعني كلهم كل اللبنانية والعرب والعالم".

لتعود وترد عليها ديما بالقول:" شكران عزيزتي،بكتير حب و احترام وتقدير لصوتك من اول اللي حصل،حابة قلك انه انا من الناس اللي استجابو لفكرة انه السياسة يجب ان تحيد تماما. راجعي تويتاتي. انا همي الاول الناس، لا همي بهل لحظة لا معارضة ولا نظام. ولان همي الناس، ما فيني ما دين مجموعة اشخاص عم تتصور وتضحك بموقع الكارثة".وعادت وردت شكران:" روحي هلق حضرتك لعيلة مصابة مدمرة مهجرة انتي كمواطنه بتمسكي إيديهم بتطبطبي وبتبتسمي طلبوا منك يتصوروا شو بتعملي جواب واضح وصريح لادفاع ولاشي في شي أهم هلق عالأرض للناس للبشر لأيام جاية أصعب".

فردت ديما مجددا:" لا شكران انا عمري ما بتصور بعزا. ولا ببتسم بصورة ولا سيلفي بعزا. . واللي اخد الصورة اعلام مش عائلات ضحايا".واكملت ديما:" بقوم بيقبل يا شكران؟! انت بتقبلي انه رييس يقبل يتصور وفي ١٠ الاف مواطن ميت؟ ما بتطلبي من رئيسك يحترم الموت و يصرخ بالاعلام مش وقت سيلفي وابتسامات؟! ما فهمت همنا نحنا هلق ندافع عن الرئيس او عن الضحايا"؟

لتعود وتجاوبها شكران قائلة:" ماعم دافع ولاتضعيني في مكان أنتي تريدينه لا إصطفاف الآن في الوجع كلنا واحد وشعب واحد من إدلب لكل شبر".