ميس حمدان تكشف سرًّا: "اتهزقت" من خالد يوسف بسبب رفضي للمشاهد الساخنة

تحدثت الفنانة ميس حمدان، خلال لقاء تلفزيوني مع الإعلامية أميرة بدر في برنامجها VIP المذاع عبر شاشة قناة "هي" عن تفاصيل ترشيحها لفيلم "ويجا " وموقفها من المخرج خالد يوسف، وقتها بعد رفضها تقديم مشاهد ساخنة.

وقالت ميس حمدان: "حصل موقف بيني وبين خالد يوسف زمان، هو حمقي شوية في ردود أفعاله، وكان عايزني في دور دوللي شاهين في فيلم ويجا، وروحت المكتب عنده وكان فيه هاني سلامة، وحاول يقنعني بالدور وأنا ساعتها كان عندي تمسك فظيع إني مش هقدر أمثل مشاهد القبلات والمشاهد الجريئة في الفيلم وقولتله يا استاذ خالد مش هقدر".

رفض ميس حمدان تسبب في هجوم خالد يوسف عليها، وقالت : "كان بيقولي إنتي كده مش فنانة وبطلوا الطريقة دي، وانتوا اللي بوظتوا الفن وزمان الفنانين ما كانوش بيفكروا بالطريقة دي وكانوا محترمين".

وتابعت: "قولت له طيب اديني فرصة أروح البيت أسأل أمي لأني حسيت إني بتحط في زاوية، لكن اعتذرت وقولتله أنا مش هقدر أعمل الدور ده وأنا مكنش عندي الجرأة أعمل مشاهد ساخنة".

وأضافت: "قلت له مشاهد القبلات دي في ناس بتعملها وهذا لا يعيب أحد، فزعل وهزقني وقالي بما معناه اللي زيي اللي بوظ الفن و الشغلانة".

وأضافت: "خالد يوسف هزقني وكلمني مكالمة وإداني على دماغي جامد وقالي بما معناه إنتي عايزة تربطي اسمك بيا وتشهري نفسك، ومتجبيش اسمي تاني على لسانك ومتتكلميش، ومش فاكرة رد فعلي وقتها".