ياسمين عز ترّد على رضوى الشربيني: "بتبوس الجزم في السر"

بعد تلميحات المذيعة رضوى الشربيني مقدمة برنامج "هي وبس"،لم تلتزم ياسمين عز مقدمة برنامج "كلام الناس" الصمت حيث وصفت الشربيني تصريحات عز بـ "كلام عبيد" لافتة إلى أن لديها "كرامة".

وكتبت ياسمين عز: "ويحك يا دعسوقة.. كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة".

وأضافت : "مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المرأة الأربعين برة بيت الزوج من غير إذنه، سلينا كدة في الإجازة لأنك شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، بس الأمانة استرجال ليڤل الوحش، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده فى الحياة العادية وبقوله في العلن".

وأضافت: "إنما بقى لما يكون في خرابة بيوت بتبوس الجزم في السر وتعمل فيلم مظلوم، وتطلع في العلن تحكيلنا مأساة المرأة الإغريقية، كده إنتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء".

واختتمت ياسمين عز منشورها كاتبة: "بلاش نشغل أسطوانة المرأة الحديدية، علشان المرأة نفسها لو عرفت إنتي إيه هيجيلها صدمة دماغية حضارية، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وهو بالمرة نحكي الحكايات، ونسلي الناس في الإجازات".