مايا معلوف تستقيل من التيار: لا يشرفني الارتباط بهذا الخطاب

أعلنت مايا معلوف كنعان، الرئيسة السابقة للجنة الاعلام والتواصل في «التيار الوطني الحرّ» أنها تقدّمت باستقالتها من «التيار». 

وكتبت على الـ فيسبوك: تقدمت اليوم باستقالتي من التيار الوطني الحر.  انا تربيت ببيت معيار الانسان فيه آدميته مش طائفته. تربيت على حب الوطن بكل ابنائه ولهيك لحقت ميشال عون يلي كان استمرارية لهيدا التوجه. لو بدي كون بحزب طائفي، بيكره الآخر، انعزالي، بفضل العدو على اهل بلده كنت رحت عند الاصيل مش الوكيل. بختلف مع الشريك السني وبختلف مع الشريك الشيعي بالسياسة بس ما بكرهه بس لانه مسلم. بنبذ السني والشيعي والمسيحي الازعر على سواء وما بدافع عن الازعر بس لانو من طائفتي. 

واضافت: خطاب رئيس التيار دايما متزن ومدوزن وبيعرف يحافظ على الخطوط الحمر بس هيدا ما بيكفي. السماح انو يكون في بالتيار وبقيادته ناس بعيدة كل البعد عن روحية التيار  وعم تربي جيل على عكس مبادئ مدرسة ميشال عون  شيء خطير. حكيت كتير وجربت كتير وحذرت كتير، بدون نتيجة.   وبما انو تاريخي ونضالي وقناعاتي ووطنيتي ما بتسمحلي اني كون بمطرح عم شوف فيه الغلط وضل ساكتة، ولان ما بشرفني كون على اي ارتباط بهيك خطاب وهيك عقلية ميليشيوية للبعض، ما تعلمت من اخطاء الماضي ولا عم تتعظ من الواقع على الارض ومستعدة ترجع تاخد لبنان بالمجمل والشباب المسيحي خاصة على الخراب، 

لهيك تقدمت باستقالتي من الحزب. انا ما رح اتغير، انا عونية من ٣٥ سنة ورح ضل لان العونية هيي فكر ومبادئ وطريقة عيش واخلاقيات، وهيدا كلو بضل معي لآخر يوم من حياتي.