محمد سامي لـ رامز جلال: بحبك أكتر من مي عمر

خاض المخرج محمد سامي بتجربة مليئة بالتحديات واللحظات الصعبة في حلقة اليوم من برنامج "رامز إيلون مصر"، الذي يُعرض على قناة MBC مصر.

وخلال فقرة "السرير الدوار"، واجه سامي صعقات كهربائية متتالية، ليبدأ في ترديد عبارة "يا نهار إسود"، قبل أن يكشف رامز جلال عن هويته ويقول سامي: "الله يخرب بيتك، بلاش قذارة". 

وحاول المخرج محمد سامي إقناع رامز بفك قيوده قائلاً: "بحبك أكتر من مي عمر".

في بداية الحلقة، استقبل رامز جلال ضيفه محمد سامي بمقدمة ساخرة، حيث قال: "ضيفنا النهاردة مخرج كبير لكن مشاكله كتير، قهر ياسمين صبري لدرجة إنها فكرت تروح تشتغل مضيفة، ونسرين أمين من غلبها كشفت راسها وحسبنت عليه في كل البوستات". وأضاف رامز، ساخرًا: "إنت يا عم محدش عاجبك؟ طول الوقت قرفان ورافع لنا حواجبك، وفوق كل ده برم، والأنا عندك فيها تضخم".

كما سخر رامز من إطلالة سامي عند وصوله قائلاً: "الريس سندق وصل، دي جزمة تشارلي تشابلن، مي شافتك وإنت نازل باللبس ده؟ البنطلون ده مدي على عبد الفتاح القصري في نورماندي تو، وإيه كمية الصيغة دي؟ سامي فلتقوس تاجر مجوهرات، وبالنسبة لشعرك، إنت داهنه فلوت؟".

وأضاف رامز: "الواد محمد سامي خاسس جامد، ده يا إما حقن أو شال الفشة، والبنطلون ده عايز أغنية 'جيتك من آخر لبنان'".