أنغام تخرج عن صمتها: "كفاية ظلم.. أنا في المستشفى والناس بتشتمني!"

ردّت الفنانة المصرية أنغام بانفعال واضح على ما وصفته بـ"حملة ظالمة وغير مبررة" طالتها في الأيام الماضية، وذلك على خلفية أزمة الفنانة شيرين عبدالوهاب في مهرجان "موازين" بالمغرب، وما رافقها من شائعات حول تورّط أنغام في "حملة ممنهجة" ضد زميلتها.

وخلال مداخلة هاتفية مؤثرة مع الإعلامية لميس الحديدي في برنامج "كلمة أخيرة" على شاشة ON، ظهرت أنغام باكية وموجّهة رسائل قاسية، مؤكدة أنها كانت ترقد في المستشفى إثر وعكة صحية، نافية تمامًا أي علاقة لها بما يُتداول.

"أنا مش بتاعة مشاكل"

قالت أنغام:

"أنا مش بتاعة مشاكل، وعمري ما سعيت أؤذي أو أشوّه حد... اللي حصل الأيام دي تخطى حدود المنطق، فيه تجريح، تحريض، وتلميحات علنية من ناس يُفترض إنهم زملاء!"

وأضافت:

"أنا في المستشفى من السبت اللي فات بسبب تعبي، وفوجئت بكم شتائم وإهانات، وكأنني وراء حملة ضد زميلة... أنا مالي؟! حتى لو مش في المستشفى، بردو مالي؟!"

وعكة صحية وسط العاصفة

كشفت أنغام أنها دخلت المستشفى بشكل مفاجئ، لكنها فضّلت عدم إعلان ذلك في حينه، بحثاً عن بعض الراحة بعيداً عن الأضواء. وأضافت:

"وأنا على سرير المستشفى بتعرض لهجوم وتشويه! ليه؟ أنا ساكتة بقالي سنين على التلميحات... لكن دلوقتي بيتقال إني بتآمر؟ ده ظلم كبير".

تهديد صريح بالمقاضاة

وجّهت أنغام تحذيراً قانونياً قائلة:

"أي حد هيجيب سيرتي ظلم أو يتجاوز، مش هسكت. أنا كسبت قضية قبل كده ضد شاب اتهمني زورًا، واتحبس. ومش هتردد أكرر ده".

كما طالبت جمهورها بعدم الزج بها في مقارنات مسيئة:

"حبوني علشاني أنا، مش علشان أكون أحسن من حد. المقارنات دي مؤذية ومش في صالحي ولا في صالح أي حد".

نداء من القلب

اختتمت أنغام مداخلتها بكلمات مؤثرة:

"كفاية كره، كفاية ظلم... ربنا هو اللي بيحاسب. كل واحدة ليا جمهورها ومكانتها. خلونا نحتفظ باحترامنا لبعض بدل ما نضيع قيمتنا".

وأضافت:

"شيرين اسم كبير، وأنا كمان، مش لازم نحول كل حاجة لحلبة صراع. خلونا نرتقي".