حملة مسعورة تطال رامي نعيم وهو يلجأ للقضاء بمواجهة تهديدات بيئة الحزب

في فصل جديد من فصول الاعتداء على الرأي الآخر وفي جنوح جديد يكشف كيف يمكن لبيئة حزب الله أن تمارس بلطجتها على الصحافيين وكل من يخالفها الرأي أي عمليا على جميع اللبنانيين، شنّ "مقاومون" مؤيدون للحزب حملة تعدت الشتائم لتصل إلى تهديد بالقتل بحق الصحافي رامي نعيم. كما تجاوز هؤلاء الجنون إلى حدّ التهديد بالاغتصاب الذي طاول أفراد عائلته علمًا أنّ الحزب قدّم نفسه محاربًا لداعش فيما يبدو بالممارسة أنه لا يفرق عن داعش بشيء.

وأمام هذا التطور الخطير الذي تجاوز الفيديوهات المسجلة إلى رسائل عبر واتساب، أعلن رامي نعيم أنه سيلجأ للقضاء. 

وكتب على إكس: ما بعرف مين بكون هـ "المقاوم" ولا عندي معطيات عن عيلتو وبيئتو بحكم الفرق الكبير من التفكير لكل شي خصو بالحياة والاخلاق والكرامة ولكن. رفعت دعوى عليه وعلى اكتر من ١٥٠ "مقاوم" شريف فاتو لعندي ع رقمي الخاص وهددوني بالقتل. حزب الله بدو سلاحو بلبنان تيقتلنا النا لانو إسرائيل فهَّمتو إنو هوي مش قدّا ولا بيقدرلا فصار بدو يقتل بسلاحو اللبنانيين اللي هني بـ ٩٠٪ منن ضدو . فشرتو كلكن ع بعضكن من الخامنئي وصولاً لنعيم قاسم ووصولاً لهيدا النوع من الـ "مقاومين" . فشرتو تخوفونا وكل لبناني سيادي أشرف من تاريخكن. بطلب من قوى الأمن والجيش اللبناني يحطو حدود لهيك نوع من الـ "مقاومين" لانو السلم الأهلي هيك بصير بخطر وبخطر حقيقي وبحمّل مسؤولية حزب الله وكل اللي بنام ع كتف حزب الله إذا بتعرض لأي اعتداء أنا أو عيلتي وبتمنى على فخامة الرئيس جوزاف عون والرّئيس نواف سلام الإيعاز للقوى الأمنية بتوقيف هالاشخاص. تهديد الناس بالقتل مش مقاومة وهيك فيديوهات بتضرب الامن والسياحة كمان بس يسمع أي مغترب إنو في مين قادر يقتل مين ما بدو بس يقرر.