كنعان: ١٣ تشرين الأول ١٩٩٠ قصة وطن وحرية وكرامة إنسان والتزام بمبادئ وقضية

كتب النائب ابراهيم كنعان على حسابه على منصة "أكس": 

"‏‏‏١٣ تشرين الأول ١٩٩٠ مش يوم من التاريخ منتذكّرو نهار ومننساه تاني نهار. ومش شخص أو حزب أو تيار أو جماعة أو شعار. ‏هو متل ما أرادوا لي استشهدوا، قصة وطن وحرية وكرامة إنسان والتزام بمبادئ وقضية، وهو نضال مستمر لدولة قوية بجيشها ومؤسساتها الشرعية بتقوى بالإصلاح والمحاسبة مش بالتسويات وزواريب المصالح".

وأضاف كنعان: "‏هو بالنسبة إلنا كمان، نقول لا بوج الغلط مهما كانت هالا صعبة ويكون عنا الجرأة والقدرة على المثابرة والعناد للحق وصولاً للتطبيق. ‏الوفا لمبادئ ١٣ تشرين كان وبعده ومكمل… وفا لدماء الشهداء والجرحى والمفقودين بالسجون السورية ونكون ملتزمين بقضيتهم وحد عائلاتن كل يوم ومش تخلص الخبرية بصورة ونهار". 

وتابع: "‏٢٥ سنة من عمرنا بتختصر كل العمر… مبارح واليوم وبكرا، منتعلّم، منكافح، منوقف عن جديد، لنستحق نحنا وولادنا وطن على صورة حلم لي استشهدوا وعلى قدر تضحياتن مش مصالحنا".