بسام أبو زيد: شعارات السيادة لا تكفي… المطلوب إنهاء أسباب الحرب وبناء دولة قوية لا رهائن فيها للسلاح خارج الشرعية

كتب الإعلامي  بسام أبو زيد: 

في مجموعة من السياسيين بلبنان من بينن من يسمونهم "زعماء" و "رجال دولة" وغيرها من الصفات الفارغة،ما بخلوا منبر وشاشة إلا ويحاولون وضع عصي بالدواليب وإعادة عقارب الساعة إلى الوراء وإبقاء لبنان بحال الحرب والفوضى.

هؤلاء بيعملوا حالن أكثر وطنية من رئيس الجمهورية ورئيس الحكومة وأنو هني حريصين على "الوطنية" وبيتحفونا انو هني مع التفاوض شرط أنو يأدي لإنسحاب إسرائيل وإطلاق الأسرى وإعادة الإعمار،بس ما منسمع كلمة منن عن أنو لازم الإنتهاء من أسباب الحرب بشكل جذري وأول سبب هو السلاح خارج الدولة يلي أخدنا عا حروب ما ألنا علاقة فيها،وإذا بقي رح ياخدنا عا المزيد من الحروب والإحتلال والدمار.

إلى هؤلاء بدكم تعالجوا هالسبب أو لأ؟

بعدين هودي بحب طمنن أنو رئيس الجمهورية ورئيس الحكومة أكثر حرصا منن بأشواط على الجنوب وأهلو وبدن قبلكم أنو إسرائيل تنسحب ويرجعوا الأسرى وإعادة الإعمار وبدن زيادة عن "الزعماء ورجال الدولة"عدم تكرار المأساة.

المضحك المبكي أنو هؤلاء كمان بيشترطوا شو بدن اتفاق مع إسرائيل،وبالكاد بدن اتفاق هدنة او أنو يرجع الوضع إلى ما كان عليه قبل ٨ تشرين الأول ٢٠٢٣،يعني بصراحة بدن سيف الحرب يبقى فوق رؤوس اللبنانيين.

بصراحة هؤلاء كل هدفن من هالمسار التراجعي وهني من أركان الدولة العميقة هوي أنو يحاصروا رئيس الجمهورية وكل من يؤيده في توجهه للتفاوض لأن ما بدن رئيس جمهورية قوي ويعمل إنجاز على صعيد استقرار الوطن وقيام الدولة ورئيس حكومة مش مطاوع بين أيدين لأنو أهدافن طائفية ومذهبية ومصلحجية.

#دود_الخل_منو_فيه