حين ينقلب السحر على الساحر

قد تكون المفارقة الأوضح اليوم إنّ السحر انقلب على الساحر… بس مش لأنّ في “مؤامرة” أو مفاجأة، بل لأنّ اللعبة انكشفت. خصوصًا بهالعلاقة الرمزية بين بولا يعقوبيان و”الأمير الوهمي” اللي انباع للناس كأنّه حالة سياسية مختلفة: “الإنقاذ”، “البديل”، “النقيّ”… قبل ما تفضح الأيام إنّ كل هالحكي كان واجهة… مش مشروع.

بولا وغيرها ركّبوا خطاب كامل على فكرة إنّهم “هنّي اللي جابوا نواف سلام”، واعتبروا إنّ وصوله إنجاز، وركّبوا على ظهره صورة “الرئيس المختلف”. بس أوّل ما بلّشت النتائج تبان، فجأة صار في محاولة للهروب من المسؤولية، وكأنّ الموضوع ما خصّن.

فجأة… انقلبت الرواية

الناس مش غشيمة. اللي صار اليوم واضح وضوح الشمس:

تبيّن إنّ أبو عمر هو اللي جاب نواف سلام، وغطّاه، وأمّن له الطريق. وهون المشكلة مش بأبو عمر وحده… المشكلة إنّ بولا كانت جزء من نفس المسار، نفس الجبهة، نفس التسويق، ونفس “التصفيق” اللي مهّد للمرحلة.

يعني اللي بيحاولوا اليوم يعملوا حالهم خصوم أبو عمر ويشتموا بالعلن… هني عملياً مشروعه الرديف: نفس الخيار بس بالسر، ونفس السياسة بس بوجه مختلف.

بولا وغيرها من النواب هني أبو عمر…

بس بوجه أنعم، بصوت أعلى، وبكلام “ثوري” لزوم الجمهور.

الفرق مش بالسياسة… الفرق بس بالديكور.