هاني رمزي: السوشيال ميديا سلاح لفضح المتحرشين

قال الفنان هاني رمزي في حديثه لبرنامج "ET بالعربي" إن كشف القضايا الاجتماعية، وخصوصًا قضايا التحرش، بات أسهل في الوقت الحالي بفعل تأثير مواقع التواصل الاجتماعي والإعلام، مشددًا على أهمية قول الحقيقة ورفع الوعي لمواجهة السلوكيات غير الأخلاقية.

وأضاف رمزي: "هتلاقي متحرش عمل فعل فاضح وفعل لا يليق على الإطلاق بيتم فضحه على السوشيال ميديا. أنا مع مع هذه الأمور إن احنا نكشف هؤلاء الأشخاص، زي ما الكاميرا اللي موجودة في الموبايل ليها فايدة زي ما الكاميرا اللي موجودة في الموبايل ليها أضرار".

وأشار إلى ضرورة الانتباه وتوعية الأبناء، مؤكدًا عدم الخوف من المجتمع عند قول الحقيقة، قائلاً: "النهاردة إحنا لازم ننتبه ولازم نعلم ولادنا ولازم نفهمهم إن مش أي حد وما نخافش، ومش أي حد يقدر يأثر علينا وما نخافش، قول الحقيقة وما تتكسفش، ولو حصل تحرش ولو حصل أي حاجة افضح المتحرش وما تقولش المجتمع هيقول عليا إيه وما تقولش المجتمع هيعمل فيا إيه". واعتبر أن مواجهة التحرش تتطلب موقفًا قويًا في ظل التغيرات المتسارعة، مضيفًا: "العالم كله بيتغير فإحنا لازم كمان نقف أقوياء ضد هذه الظواهر الغير أخلاقية".

كما شدد رمزي على أن مسؤولية التصدي لهذه الظواهر لا تقع على الأفراد وحدهم، بل تشمل المجتمع والإعلام أيضًا، قائلاً: "أنا أعتقد إن ده دور كبير للإعلام، دور كبير للسوشيال ميديا، مهم جداً إن إحنا ناخد أجمل ما فيه ونرمي أسوأ ما فيه."